MUTACIÓNS E VARIABILIDADE XENÉTICA

A evolución molecular comeza con cambios no ADN, isto ocorre por factores naturais como a radiación ou tamén erros na replicación celular. Estes cambios, son coñecidos como mutacións, poden xerar diferenzas entre individuos dunha mesma especie e pode determinar como se adaptan ao seu ambiente. 

Cando unha mutación resulta útil, os individuos que a teñen máis probabilidades de sobrevivir e transmitila á súa  xeración fillal. Así, ao longo do tempo, ás seguintes variacións xenéticas poden marcar unhas gran diferenzas na forma de vida das especies. 

Consulta máis información Aquí

Evolución das proteínas

As proteínas son esenciais para a vida e evolucionan para poder mellorar as súas funcións. Ao longo do tempo, os cambios na súa estrutura fan que sexan máis eficientes e especializadas para as funcións. Isto pode ocorrer de varias formas: por mutacións nos seus aminoácidos, duplicacións xénicas que permiten a creación de novas versións con funcións diferentes, ou incluso por transferencia de xenes entre organismos. 

Un exemplo fascinante é a hemoglobina, a proteína responsable de transportar osíxeno no sangue. Diferentes especies evolucionaron formas de hemoglobina que lles permiten adaptarse a unhas condicións peores, como ambientes con pouco osíxeno. 

Consulta máis información Aquí

Filoxenia molecular e relación entre especies

A evolución molecular tamén axuda a entender como están relacionadas as especies entre si. Analizando as similitudes e diferenzas no ADN dos individuos, os científicos poden reconstruír árbores filoxenéticas que representan a historia da vida na Terra. 

Estas árbores filoxenéticas amosan como os organismos foron separándose progresivamente ao longo dos millóns de anos, revelando parentescos inesperados. Por exemplo, os humanos e os chimpancés comparten máis do 98% do seu ADN, o que significa que tiveron un antepasado común hai aproximadamente sete millóns de anos. 

Consultar máis información Aquí

O reloxo molecular: Datación da evolución 

O reloxo molecular é unha ferramenta utilizada na bioloxía evolutiva para estimar cando dúas especies compartiron un antepasado común. Funciona baseándose na taxa de mutación do ADN. Comparando as diferenzas xenéticas entre organismos, os científicos poden calcular en que período ocorreu a diverxencia entre especies. 

Este método é especialmente útil para datar eventos evolutivos cando non hai rexistros fósiles dispoñibles. Para calibralo, adoitan empregarse fósiles cuxa antigüidade se coñece con precisión. Ademais de reconstruír árbores filoxenéticas, úsase para analizar a evolución de virus, como o VIH, e para entender mellor a historia evolutiva humana. 

Consulta máis información Aqui

Impacto da evolución molecular na biodeversidade

A evolución molecular desempeña un papel fundamental na biodiversidade, xa que os cambios no ADN e nas proteínas permiten a aparición de novas especies e a adaptación a diferentes ambientes. A través da acumulación de mutacións e da selección natural, os organismos desenvolven características únicas que lles permiten sobrevivir en condicións específicas. 

Como inflúe a evolución molecular na biodeversidade?

• Especiación: As diferenzas xenéticas acumuladas ao longo do tempo poden levar á formación de novas especies. 

• Adaptación a ambientes extremos: Certos organismos evolucionaron para sobrevivir en condicións extremas, como bacterias que resisten altas temperaturas ou acidez.

• Diversificación funcional: A evolución molecular permite que proteínas e xenes adquiran novas funcións, aumentando a complexidade dos organismos. 

Consulta máis información Aquí e Aquí